Malam Musa Jidda: Mutum Mai Kyakkyawan Tarihin Hidima Ga Al’umma
.jpg)
Daga Umar Umb
Akan ɗauki lokaci mai tsawo kafin al’umma su sake samun mutane masu irin halaye, hangen nesa da kishin jama’a kamar Malam Musa Jidda, Dan Adalan Mubi.
Malam Musa Jidda ya kasance mutum mai matuƙar daraja a idon al’umma, musamman wajen nuna dattako, tausayi, taimakon jama’a da jajircewa wajen ganin an samu ci gaba da haɗin kai.
Mutane irin sa ba sa zama abin tunawa saboda kalamai kawai, sai dai saboda ayyukan alheri da kyakkyawan tasirin da suka bari a cikin al’umma. Wannan ne ya sa ake ganin cewa sunayen irin waɗannan mutane ba sa gushewa cikin tarihi.
A yau, mutane da dama suna ci gaba da kallon Malam Musa Jidda a matsayin mutum na musamman wanda ba kasafai ake samun irinsa ba. Tarihi kuwa, kamar yadda aka sani, ba ya mantawa da mutanen da suka yi rayuwa domin amfanin wasu.
Babu kamarsa. Babu shakka, irin Malam Musa Jidda ana samun su ne bayan lokaci mai tsawo.
Allah Ya ƙara masa lafiya, tsawon rai da hikima, Ya kuma ba shi ikon ci gaba da kasancewa abin alfahari ga al’umma.
— Umar Umb
Comments
Post a Comment