ALH. DANJUMA INUWA: Jigon Al’umma da Fatan Jama’ar Pali Constituency a 2027

 A yayin da ake tunkarar zaɓen shekarar 2027, al’ummar Pali Constituency da ke ƙaramar hukumar Alkaleri a Jihar Bauchi na ci gaba da bayyana burinsu na ganin Alhaji Danjuma Inuwa ya fito takara karkashin jam’iyyar APM domin wakiltar muradunsu da buƙatunsu. Alkaleri na daga cikin manyan ƙananan hukumomin Bauchi, tare da al’ummomi masu kishin ci gaba da haɗin kai.

Masu goyon bayansa na bayyana Alhaji Danjuma Inuwa a matsayin mutum mai kyakkyawar mu’amala da jama’a, mai tausayi, kuma wanda ya dade yana tsayawa wajen tallafawa matasa, mata da marasa galihu a yankin. Suna ganin irin kusancinsa da jama’a da fahimtarsa kan matsalolin al’umma na daga cikin dalilan da suka sa yake samun karɓuwa a zukatan mutane.

A cewar wasu daga cikin al’ummar yankin, lokaci ya yi da za a bai wa mutanen da suka san halin da jama’a ke ciki dama domin kawo sauyi mai ma’ana da ci gaba mai ɗorewa. Sun bayyana cewa Alhaji Danjuma Inuwa na daga cikin fitattun mutanen da za su iya wakiltar muradun al’umma cikin gaskiya da riƙon amana.

Yayin da siyasar 2027 ke ƙara ɗaukar zafi, masu ruwa da tsaki a yankin na ci gaba da bayyana fatansu na ganin Alhaji Danjuma Inuwa ya kasance cikin sahun jagororin da za su samar da ci gaba, haɗin kai da kyakkyawar makoma ga al’ummar Pali Constituency.

Insight Tribune News