DR. ADAMU ABDULLAHI ATTERWAHMIE: JAGORAN DA KE TAIMAKON AL’UMMA BA TARE DA WAHALAR NEMA BA

 Daga Umar Umb

Medical Director na Federal Medical Centre (FMC) Birnin Kudu, Dr. Adamu Abdullahi Atterwahmie, ya ci gaba da samun yabo daga al’umma sakamakon irin gudunmawar da yake bayarwa wajen taimakawa jama’a, musamman matasa, ta hanyoyi daban-daban. Shi ne shugaban FMC Birnin Kudu a Jihar Jigawa.

A cewar Umar Umb, a iya saninsa da kuma irin ziyarce-ziyarcen da ya kai asibitocin gwamnati da na tarayya a sassa daban-daban na Najeriya, bai taba ganin wani Medical Director mai tausayi, karamci da son ci gaban jama'a irin Dr. Adamu Abdullahi Atterwahmie ba.

Ya bayyana cewa matasa da dama sun amfana da taimakonsa da goyon bayansa ba tare da sun sha wahalar neman taimako ba. Haka kuma, an san shi da jajircewa wajen bunkasa harkokin kiwon lafiya, ci gaban al'umma da ayyukan jin kai da suka shafi rayuwar talakawa. A karkashin jagorancinsa, FMC Birnin Kudu ya samu ci gaba a fannoni daban-daban na ayyukan kiwon lafiya da ci gaban al'umma.

Umar Umb ya kara da cewa irin wannan shugaba mai kishin jama'a ya cancanci yabo da goyon baya daga dukkan masu ruwa da tsaki, domin ci gaba da gudanar da ayyukan alheri da ci gaban kasa.

Saboda haka, ya yi kira ga Mai Girma Shugaban Kasa, Bola Ahmed Tinubu, Ministan Lafiya na Tarayya da kuma Mai Girma Gwamnan Jihar Jigawa, Umar Namadi, da su ci gaba da ba Dr. Adamu Abdullahi Atterwahmie cikakken goyon baya da kulawa domin ya ci gaba da amfani wa al'umma da Najeriya baki daya. Ya ce mutumin kirki ne, mai kishin cigaba da kuma mai son ganin rayuwar jama'a ta inganta.

"Najeriya na bukatar shugabanni masu tausayi, aiki tukuru da kishin jama'a irin Dr. Adamu Abdullahi Atterwahmie domin kara ciyar da kasa gaba," in ji Umar Umb.