DAN ADALAN MUBI, MAL. MUSA JIDDA: JIGO A CIKIN TAIMAKON AL’UMMA DA KYAUTATA RAYUWAR JAMA’A

 Daga Umar Umb

A duk lokacin da ake magana kan mutane masu tausayi, karamci da sadaukarwa ga cigaban al’umma a yankin Mubi da ma Adamawa baki ɗaya, sunan Malam Musa Jidda, Dan Adalan Mubi, na daga cikin sunayen da ke zuwa a zuciyar jama’a.

Malam Musa Jidda ya shahara wajen taimakon marasa galihu, tallafa wa matasa, da kuma bayar da gudunmawa ga harkokin addini da ci gaban al’umma. A lokuta daban-daban, ya kasance abin koyi ga masu hannu da shuni wajen amfani da ni’imar da Allah Ya ba su domin inganta rayuwar jama’a. 

Al’umma da dama na kallonsa a matsayin mutum mai kyakkyawan zuciya, wanda ke fifita hidimar jama’a sama da son rai. Irin gudunmawar da yake bayarwa ta sanya ya samu karɓuwa da girmamawa daga mutane masu yawa a sassa daban-daban na ƙasar nan.

A cewar masu bibiyar ayyukansa, Malam Musa Jidda ya kasance mutum mai son haɗin kai, zaman lafiya da ci gaban al’umma, tare da ƙarfafa mutane kan muhimmancin taimakon juna da kyautatawa mabukata.

Insight Tribune News na ganin cewa irin waɗannan mutane masu kishin al’umma su ne ginshiƙan cigaba da zaman lafiya a kowace al’umma. Ana fatan Allah Ya ƙara wa Malam Musa Jidda lafiya, arziki mai albarka da tsawon rai domin ci gaba da ayyukan alheri da yake yi wa jama’a.

— Insight Tribune News