BAYAR DA DAMA GA UMAR AJIYA ISA AJIYAN SOKOTO A MATSAYIN SANATAN SOKOTO EAST A 2027 ZAI AMFANAR DA AL’UMMA

Yayin da ake tunkarar babban zaɓen shekarar 2027, al’ummar Sokoto East Senatorial District na ci gaba da bayyana ra’ayoyinsu kan irin shugabannin da suke buƙata domin wakiltarsu a Majalisar Dattawan Najeriya. Daga cikin sunayen da suka fi ɗaukar hankalin jama’a akwai Alhaji Umar Ajiya Isa, wanda aka fi sani da Ajiyan Sokoto.

Ajiyan Sokoto ya fito fili ya bayyana aniyarsa ta tsayawa takarar Sanatan Sokoto East a zaɓen 2027, bayan kira da goyon bayan da ya samu daga shugabanni, masu ruwa da tsaki da kuma al’ummar yankin. Haka kuma, rahotanni sun nuna cewa ya samu gagarumar karɓuwa a cikin jam’iyyarsa ta APC tare da samun goyon bayan masu ruwa da tsaki a yankin.

Mutane da dama na ganin cewa gogewarsa a harkokin gudanarwa, tattalin arziki da kuma ayyukan alheri da ya dade yana yi wa al’umma za su kasance babban ginshiƙi wajen samar da wakilci nagari ga yankin Sokoto East. Ana sa ran cewa idan aka ba shi dama, zai kawo sababbin dabaru wajen tallafawa matasa, inganta ilimi, bunƙasa tattalin arziki da kuma taimakawa wajen magance matsalolin tsaro da talauci da ke addabar wasu sassan yankin.

A lokaci guda kuma, al’ummar jihar Sokoto na ci gaba da yaba wa kokarin gwamnatin jihar wajen aiwatar da ayyukan raya ƙasa da kyautata rayuwar jama'a. Saboda haka, mutane da dama na ganin cewa sake zaɓen Gwamnan Jihar Sokoto karo na biyu a shekarar 2027 zai ba da damar ci gaba da ayyukan ci gaba da aka fara, tare da samar da daidaito da ci gaba mai ɗorewa ga jihar baki ɗaya.

Masu sharhi kan harkokin siyasa na bayyana cewa haɗin kai tsakanin wakilai nagari a Majalisar Tarayya da kuma gwamnatin jiha na iya haifar da ci gaba mai yawa a fannonin ilimi, lafiya, noma, kasuwanci da samar da ayyukan yi ga matasa. Wannan ne ya sa wasu ke ganin cewa zaɓen Ajiyan Sokoto a matsayin Sanata da kuma sake zaɓen Gwamnan Jihar Sokoto karo na biyu zai iya zama wata dama ta ci gaba da gina Sokoto mai bunƙasa da wadata.

A ƙarshe, al’ummar Sokoto East da na jihar Sokoto gaba ɗaya ne za su yanke hukunci a akwatin zaɓe. Amma babu shakka cewa mutane da dama na kallon Umar Ajiya Isa Ajiyan Sokoto a matsayin ɗaya daga cikin waɗanda za su iya kawo ingantaccen wakilci, haɗin kai da ci gaba ga yankinsu idan aka ba shi damar zama Sanatan Sokoto East a shekarar 2027.

"Mu ba da dama ga nagartattun mutane masu hangen nesa da kishin jama'a domin samun makoma mai kyau ga Sokoto da Najeriya baki ɗaya."

— Insight Tribune News